سيب لقانا يطول

سيب لقانا يطول
نعوض سنين الفراق
نرجع تانى م الاول
ايام مكنتش معاك
سيب كل اللى فات وانسى زى منا هنساه
و افتكر بس اللى كان قبل الفراق و ال اه

متبكنيش ليه بتبكى
القرب بينا هيداوى الجراح
متبكنيش
القرب بينا هيسقى
عطش اللى فات و اللى راح
ميهمش بعد الشباب شيبه
دا حبنا م الروح للروح
للزمن ع الوشوش هيبه
جوه القلوب بتروح

اللى جى م اللى راح يمكن اقل
بس اللى جى اكيد احلى
ابتدا الزمان من جرحانا يمل
و الحرقه باللقا تهدى
سيب كل اللى فات و انسى

زى الندى

نويت اكون زى الندى

يصبح ع الشجر يحيه
نويت اكون كده
ادى و مسألش يوم ليه

راضيت الله بطيبه تكون طبعى
و رضيت يكون طبع العيون دمعى
لا ف يوم هيتغير طبعى
و لا يروى عطش الناس يوم دمعى

ماتنسنيش

ماتنسنيش..صعب عليا تنسينى
ما تخديش.. اخر دوا يشفينى
بعدك مفيش تانى..كل الدنيا ظلمانى
بعدك انا جانى..و الموت شئ يرضينى

ف حضنك تدوب
قسوه المكتوب..و اقدر اتحمل
ف بعدك يضيق
ف وشى الطريق..مقدرش اكمل
و انا مجرد جسد
انتى لروحو المدد..تروحى يسلم

حكمت عليا الدنيا..باقى حكمك
للعدل معانى تانيه..جوه قلبك
اللى ياما نبضه كان بيحينى
و بقوه حبه كان بيحمينى
اكيد دلوقتى مش هيرمينى
و انا لسه محتجلك

خلف محاق الاقمار

أنا نجمه خلف محاق الأقمار
أنا صفحه فى كتاب الأقدار
بها الليالى خطوط و أسطار
و السهر حروف و أنوار
و الدمع معانى و أسرار

أنا قلب يطفو و يغرق
بين ثنايا الأمواج العتيه
طالما يأخذه القاع و يفقد الماهيه
يعود نبضه قبل وفاته المنيه
يا زهره بالطيب تعبق
ان اشتد خريف البليه
وجفت اوراقك النديه
ما تزل للحياه بقيه

نيل الأمل فيضان

نيل الأمل فيضان
يجرى ف كل مكان
يمحى بيوت اليأس
يغسل سنين البؤس
يعلى يغطى زمان
بالظلم كان مليان
نيل الأمل فيضان

نيل الأمل..
شط النجاه مرساه
بين القلوب مجراه
قلوب تعيش جواه
و تغرق قلوب براه
ما تلقا ف النبض حياه
و طعم الألم حساه
طول ما الأمل نسياه

انجرحت الطيبه

دمعه على الوشوش
من عيون ماشفوش
غير سواد لونهم
بتغمض عن وشوش
لو تفتح ميشفوش
غير سواد لونهم
و يفضل ندى الرموش
رغم حرقتهم مينشفوش
و يشيب سواد لونهم

معدتش الجروح بتطيب
ما انجرحت الطيبه
شمس القلوب بتغيب
و تطول الغيبه
تغرب بعيد ما تسيب
للجروح طيبه

لو جوايا حزن

لو جوايا حزن ليه مش ببكى
لو جوايا هم ليه مش بشكى
جوايا احساس ميبنش على شكلى
واخد عقلى و ف القلب متخبى
حسه و بفكر فيه..حسه و مش عارف ايه
ف العيون نشفت الدمعه
و ع الشفايف دبلت الكلمه
و اوصف اللى جوايا ب ايه...و انا وحدى حاسس بيه

يمكن وهم و مسيره يدوب ف حقيقة
تظهر ف اى دقيقه..تظهر بنظره جريئه
نظره منى لحالى
لسه حاجات بقيالى
اشوفها الحياه تصفالى
انساها الحياه تنسانى
و ارجع اغرق تانى
ف احساس ملوش معانى

بيكى الجمال موصوف

من الزمان دهر..ما يكفنيش
من الكلام بحر..ما يكفكيش
بتمحى الايام الحروف
و تبدل الاشكال و الوصوف
عن البشر كلام الجمال معروف
و انتى ملاك ..بيكى الجمال موصوف
وهبك جمالك..كاتب القدر
ما يقدر على وصفك بشر
مهما اتقال عنك...مفيش
من الكلام بحر ما يوفكيش